Google ADS

SPAK refuzoi që Berisha të marr pjesë në parlament, GJKKO shtynë seancën deri më 8 shkurt

11:32 | 1 Shkurt 2024
K.B

Është mbajtur sot në Gjykatën e Posaçme seanca për ankimimin e bërë nga avokatët e ish-kryeministrit të Shqipërisë, Sali Berisha, mbi refuzimin e SPAK për ta lejuar të marrë pjesë në seancat plenare.

Në përfundim të seancës gjyqtarja, Irena Gjoka vendosi shtyrjen e seancës deri më datën 8 shkurt, shkruan euronews.al.

Kujtojmë se avokatët iu drejtuan me një kërkesë prokurorëve të SPAK, Arben Kraja e Enkeleda Millonai duke theksuar se kjo është një e drejtë kushtetutese, si dhe faktin se ndaj Berishës nuk ka ende një vendim të formës së prerë.

Por kërkesa e avokatëve të Berishës u rrëzua nga SPAK.

GJKKO caktoi më 30 dhjetor 2023, masën e sigurisë “Arrest me burg”, me mbikëqyrje policore, ndaj ish-kryeministrit.

Sipas njoftimit të GJKKO, Berisha nuk duhet të largohet nga banesa e tij si dhe nuk duhet të komunikojë me persona të tjerë përveç atyre që bashkëjetojnë në të njëjtën banesë me të.

Shpërndaje në rrjete sociale

Lajmet më të lexuara

Të ngjashme

Foto lajm